世盃A组尾轮对决，卡塔尔硬撼荷兰。卡塔尔堪称世盃史上最曳东道主，头两场输晒已提早出局；荷兰争首名出线唔会Hea踢，难得遇弱必趁机数胡，加上佢哋喺世盃对亚洲球队经常大手交易，2.5球入球大稳开。
（Now 618及616周二晚11时直播）
挟上届亚洲盃盟主之名，卡塔尔作为今届世盃主办国嘅表现确实令人失望，头两轮输晒仅入1球而且失咗5粒，成为今届最早出局球队之余，更加系世盃史上最快出局及最低分嘅东道主。卡塔尔既冇还手之力，防守亦错漏百出，包括上仗输畀塞内加尔1比3，守将高基希喺上半场「送大礼」，解围踢漏导致先失守，防线犹如纸紮。摘自sportscn.com
球星被闹醒势省招牌
榜首嘅荷兰头两轮录1胜1和累积4分，依家同厄瓜多尔同分兼得失球一样，不过「橙衣兵团」表现只系一般，尤其系上仗被厄瓜多尔逼和1比1，全场仅得两次埋门，创下自1966年有统计以来，欧洲球队喺世盃单场射门最少嘅纪录，对以「全能足球」见称嘅荷兰嚟讲，实在非常肉酸。主帅尹戈尔赛後极度不满，闹爆球员咁差嘅表现想捧盃，简直系发梦，相信一班球星被闹醒之後会有好表现，同时「橙衣兵团」亦要保住首名晋级，遇上世盃史上最弱东道主，一定力求大胜。翻查纪录，荷兰近4次世盃对住亚洲球队赢晒之余，其中3仗更开出3球或以上，今场一於捧2.5球嘅入球大。
