世盃16强大战展开，A组首名出线嘅荷兰大战B组次名美国，两队喺分组赛都保持不败，晋级最大原因系拥有顽强嘅防守力。荷兰牌面虽然较高，但系攻击线只靠新人加普独挑大梁，遇上组织严密球队难有作为，今仗对手美国防守力极强，相信入波机会唔会太多，中位数2.5球入球细系最佳选择。
（Now 618及616周六晚11时直播）
荷兰喺分组赛录得2胜1和，对住塞内加尔同卡塔尔都轻取2比0，唯一失球系1比1打和厄瓜多尔，以华基尔云迪积克、尼敦阿基同戴利白兰特等组成嘅防线固若金汤，反而锋线表现就未达预期，王牌前锋迪比今季长期休养，伤愈後状态不足，「橙衣军团」只有23岁嘅加普较具杀伤力，但同时令对手易於防范。限米煮限饭之下，领队尹戈尔战术都系以守代攻，近5场比赛总入球全开2球或以下。详细看华体网
分组赛守到英军冇晒符
美国喺B组以1胜2和成绩出线，3场分组赛同荷兰一样只失过1球，佢哋嘅星级球员都属於防守型，效力阿仙奴嘅门将马特端纳把关稳健，泰拿阿当斯、韦斯顿麦坚尼同尤路斯穆沙嘅中场线，更加系跑动力同扫荡力兼备，对住荷兰本身创造力麻麻嘅中场线，有力压制对手任何攻势。
美国喺分组赛已经展示过对顶级劲旅嘅抗衡力，全场逼抢踢法令到强如英格兰都被闷和0比0，预料领队贝赫达会沿用对「三狮兵团」嘅战术，而且最具攻击力嘅基斯甸普列锡上仗受伤，表现会打折扣，今场必定以最擅长嘅防守为主。美国对上6场比赛，总入球全开2球或以下，今场有力顶住火力不足嘅荷兰，「细」盘稳开。
