[太阳拆局] 英联盃:士气正盛主场更加唔留手 曼联大盘有着诺-华体网sportscn.com

今晚英联盃4强次回合，曼联回师主场再斗诺定咸森林。「红魔鬼」首回合作客赢3比0，半只脚入咗决赛，森林想收复失地都只能寄望奇迹出现，形势上曼联今场只要正常发挥就可过关，冇乜压力下随时有更好表现，加上佢哋近6次主场全开3球或以上，不妨拣2.5球入球大。（HOY TV 77台、有线601及661台周四凌晨4时直播）

曼联於联赛2比3不敌阿仙奴後，球员士气及信心并冇被打沉，英联盃4强首回合对森林，即大胜3比0极速反弹，上仗英足盃第4圈面对雷丁，亦轻取对手3比1，中场卡斯米路个人梅开二度，虽然有基斯甸艾历臣伤出，仲有巴西国脚费特顶住，人脚充沛点换都唔惊。

新兵韦格贺斯上回合开斋

曼联今晚对完森林，嚟紧联赛再於主场迎战水晶宫，更加要延续主场气势。睇番「红魔鬼」近期表现，对住下游或低组别球队，好多时都入到3粒，奥脱福主场出击更系入球保证，近6次主场全开3球或以上，世盃後脚风甚顺嘅拉舒福特上场对雷丁入唔到波，今场势必全力数胡，已於首回合开斋嘅新兵韦格贺斯，更加唔会放过入波机会，要撕破森林防线话咁文章来源华体网华体网(sportscn.com)易。

诺定咸森林今季第3度遇上曼联，对上两次交手都输0比3，足见双方实力有明显差距，不过佢哋都有一定进攻能力，除上回合不敌曼联外，近7仗其余6场都取得入波。既然森林反胜晋级机会唔大，倒不如放开怀抱，同对方合演入球骚，等球迷有得开心。