[太阳拆局] 意甲:拿玻里玩晒！「基华拉当拿」获选最佳-

意甲今晚煞科，冠军拿玻里今季联赛一枝独秀，佢哋喺上周五公布嘅「赛季最佳」选举亦成为大赢家，嚟自格鲁吉亚嘅翼锋基华拉斯基利亚，获选为今季意甲最佳球员，拿玻里主帅史巴列堤亦获选为最佳教练。

22岁嘅基华拉斯基利亚上年由格鲁吉亚联赛加盟，去到意甲後表现光芒四射，今季联赛有12个入波同10次助攻，华丽脚法更被球迷冠军「基华拉当拿」称号。意甲总裁迪施禾表示：「基华拉斯基利亚喺意甲带嚟嘅影响令人印象深刻，恭喜拿玻里为意甲带嚟一个咁出色嘅球员。」

至於已宣布今夏离开拿玻里嘅教练史巴列堤，大热获选为最佳教练，拿玻里前锋域陀奥森汉同中坚金玟哉，则分别获选最佳前锋同最佳後衞。

煞科战谢幕半场Ｗ啱森水

另外，拿玻里将於煞科战主场对包尾笃定降班嘅森多利亚，双方实力距离悬殊，近8次对赛，拿玻里获得全胜，其中7次上半场领先，相信今仗可以迅速攻破对手防线，用一场漂亮胜仗谢幕，一於再追拿玻里半场主胜。（Now 638周一凌晨零时30分直播）