[太阳拆局] 智甲:作客抢分唔会乱攻 马加兰斯好手细

听朝有场智甲独脚戏，由卡拉雷联主场斗马加兰斯。卡拉雷联排名虽然高啲，但近况认真麻麻，近7仗仅获1胜；榜尾马加兰斯近期积极抢分，已经5场不败，作客亦有力抗衡。双方近6次交锋，有5次总入球开2球或以下，中位数2.5球嘅入球细好路。

（周六早上5时57分开赛）

卡拉雷联近期陷入低潮，上仗作客以2比1击败维拿迪马爱华顿，总算结束6场不胜颓势。但其实佢哋赢得好惊险，控球率得28%，一度被对手压住嚟砌，要到补时先靠後衞靴兰卢比斯助攻射入致胜球，攞到3分有啲幸运成份。

卡拉雷联主场火力弱

卡拉雷联目前位处中游，佢哋今季联赛主场踢咗8场波，只得2胜4和2负，胜率仅25%，夹埋入得9球，认真靠唔住。事实上卡拉雷联近6场联赛主场未赢过，4和2负之余只入3粒，一班射手明显冇晒办法，想搵入波唔系咁易。

马加兰斯近期有反弹趋势，近5仗取得2胜sportscn.com3和，防守尤其有改善，不过攻力仍然一般，上仗主场踢到87分钟先凭新兵拉云尼入开斋波，逼和纽柏莱斯1比1，加上佢哋近6场联赛作客仅1胜，预料今仗都会保守为上，以1分做目标，唔会急於冒进以免得不偿失。既然双方冇乜板斧，一於博入球细。