[太阳拆局] 日联盃:想过捧盃瘾倾力抢攻 冈萨多大盘手到拿来

日联盃8强首回合，北海道札幌冈萨多主场迎战横滨水手，两队於分组赛曾经交锋，北海道札幌冈萨多主场以3比2击败对手，加上佢哋近3仗日联盃全开4球或以上，今仗入球唔会少。横滨水手忙於日职打衞冕战，分神应付日联盃相当吃力，虽然近期防线不稳，但攻力仲喺度，3.5球入球大系最佳选择。（周三晚6时开赛）

冈萨多踢法大开大合，一攞波就全员进攻，所以佢哋嘅比赛经常开出大比数，近两场日职就试过同川崎前锋踢成2比2，上仗主场大炒大阪飞脚4比0；佢哋依家排联赛中下游，暂时安全唔使护级，早前日皇盃又已出局，日联盃成为佢哋捧盃希望，首回合主场出击肯定想入多几球。

ｓｐｏｒｔｓｃｎ．ｃｏｍ横滨水手防线穿窿

日职榜首目前争持激烈，衞冕嘅横滨水手正受到神户胜利船同名古屋鲸鱼等列强夹击，少啲精神都唔得，佢哋早前喺日皇盃1比4大败畀日乙嘅町田泽维亚出局，嚟到日联盃随时又走样，而且水手近期联赛成绩下滑，包括1比4输畀FC横滨，上仗净吞柏雷素尔两蛋，两仗失6球，今场再同有前冇後嘅冈萨多交手，唔愁冇波入。