[太阳拆局] 英联盃:土豪大对决往绩占优 蓝月抢盃强势拆纽

今晚英联盃第3圈上演「土豪对决」，由纽卡素主场恶斗曼城。「4冠王」曼城上季唯独失落英联盃，佢哋开季走势凌厉，似乎想擸晒所有锦标。反观上届英联盃亚军纽卡素无力兼顾多线作战，加上双方近9次对赛，曼城获8胜1和，摆明食住对手，平手盘一於再捧曼城。（周四凌晨3时开赛）

曼城上季一口气连夺英超、英足盃及欧联冠军，加上8月捧走欧超盃，成为欧洲「4冠王」，美中不足系上届英联盃8强出局。虽然呢项赛事一向被列强视作「鸡肋」，但曼城对呢只「盃仔」情有独锺，2014至2021年8届之中，竟然多达6次夺冠。

「蓝月亮」可以喺英联盃取得佳绩，皆因整体人脚质素高，喺主帅哥迪奥拿极高要求下，即使阵容轮换，亦可以保持超高水平。再者佢哋今夏签入谢利美杜古、加华度尔ｓｐｏｒｔｓｃｎ．ｃｏｍ及马菲奥斯纽尼斯等新兵，令正选位置竞争更激烈，一众球员为争上位，有得落场嘅必然搏到尽。

纽卡素多线作战搞唔掂
「喜鹊」纽卡素获沙特财团入主，摇身一变成为「新土豪」，上季英超杀入前4，不过今季表现飘忽，上仗8比0大炒锡菲联只系对手太弱，不宜作准。睇番佢哋季初接连不敌曼城、利物浦及白礼顿，可谓遇强即屈，相隔1个月再斗曼城，预料战局唔会有大改变。事实上纽卡素今季要兼顾欧联，重心必定放喺呢项大赛及英超，英联盃唔会强求，决心不足下难抗曼城。