[太阳拆局] 世南美:巴西睇定食半场精打细算

世盃外南美洲区，两战全胜嘅巴西主场斗委内瑞拉。巴西实力超班，不过看守领队迪尼斯重视控球同效率，面对防守纪律唔差嘅委内瑞拉，唔会心急狂攻，上半场好大机会睇定嚟食，1.5球半场细抵玩。
（周五早上8时30分开赛）

委内瑞拉防守纪律佳
迪尼斯早前带领富明尼斯杀入自由盃决赛，领军能力获肯定。呢位49岁教头偏向欧陆式控制型踢法，中场起用卡斯米路同般奴古马雷斯，讲求控制节奏，就算有尼马及云尼斯奥斯祖利亚等星级箭头，都唔会急於进攻。加上佢哋下周要作客硬撼乌拉圭，迪尼斯为免球员搏得太尽，唔介意企稳阵脚後先加强进攻力度。巴西今届外围赛6个入波，有5球嚟自下半场，可见一斑。

委内瑞拉实力难同巴西相比，不过上仗1比0赢巴拉圭表现硬净，防守纪律唔曳，要撕破佢哋防线都要一定功夫。翻查两军近5次交手，半场总入球全开1球或以下，预料上半场拉锯居多，1.5球半场细要捧。