[太阳拆局] 欧国盃:「魔兽」弗爆勒唔住 比利时当头起够赢瑞典

今晚欧国外F组焦点战，比利时主场硬撼瑞典。虽然「欧洲红魔」已提早出线，但在主帅泰迪斯高带领下连场报捷，势头未减，瑞典争前2机会渺茫，宁买当头起，再追比利时主胜。（周二凌晨2时45分开赛）

随住上轮击败奥地利3比2，比利时喺F组6战获16分，甩开第3位嘅瑞典10分，提早两轮锁定前2嘅直接出线席位，唔排除今仗会有所保留。不过要留意，自上年世盃耻辱性分组赛出局後，改由泰迪斯高接手，各项赛事带队踢咗7仗，豪取6胜1和不败，单计近4仗全胜，无论系成绩、场面同信心都返晒嚟，净系箭头卢卡古就喺欧国外攻入9粒，同佢喺世盃坚败家嘅表文章摘自华体网现，可谓天渊之别。

瑞典伊沙克未踢先退队
论战意，瑞典应该比已出线嘅比利时更强，但未打已有射手阿历山大伊沙克因伤退队，日前同摩尔多瓦「拍跳」，虽有谢斯柏卡尔臣省两粒兼交出助攻赢3比1，不过对手太弱，而且佢今季转投博洛尼亚喺意甲仲未开斋，前锋古艾臣更射失12码，前线唔多靠得住。

现时瑞典打少1场下，落後次席奥地利7分，只要奥地利今轮赢弱旅阿塞拜疆就肯定晋级，瑞典形势极之不妙，更何况实力上同比利时差几条街，唔系话想赢就赢到。加上近4次碰头「欧洲红魔」赢晒，照捧主胜。