撐加拿大可「爾」小勝
哥斯達黎加喺早場出戰牙買加，而同組仲有兩隊弱隊薩爾瓦多同加拿大；薩爾瓦多多過去世盃外第3圈就出局，而加拿大亦一樣，不過加拿大話晒係主辦國之一，二來喺已經開始緊嘅世外第1圈全勝，狀態有保證，信佢哋可小勝先下一城。（周三22，香港時間周四10:30am開賽）
加拿大足運發展一般，雖然有幾隊美職球隊，但出國搵食球員買少見少，而且有都只係落戶二線聯賽，今次大軍中稍為有名氣已經係前鋒歷格斯，就算有半個主場之利，睇嚟喺B組要壓過哥斯達黎加同牙買加都幾辛苦，如果要爭出線，呢場對薩爾瓦多非勝不可，論鬥志一定鮮明。
相比加拿大，薩爾瓦多同樣都冇咩星級球員，主力如貝高斯已係少數外流球員，實力上喺中北美洲只排中下游，而佢哋由於要出戰第1圈外圍賽，6月中已開始練兵，兩戰聖基茨-尼維斯得1勝1和，表現亦未如理想，加拿大應有力小勝。