大宮松鼠「薩」聲震天

大宮松鼠「薩」聲震天 
 
由5月中開始累積8戰不敗嘅札幌岡薩多，將肯定要面臨重大考驗，事關今次佢哋嘅對手並非泛泛之輩，而係日乙一哥大宮松鼠！睇番今季岡薩多所輸嘅比賽全數都係喺主場所輸，睇嚟佢哋冇乜主場威力，不過最致命嘅反而係近期腳風唔係咁順，近6戰每次最多都係入到1球波咁大把，有傳首席射手都倉賢未必出得，以咁嘅進攻能力對住一哥松鼠，即使係受讓平、半都冇乜優勢。（周三1，香港時間周三6:00pm開賽）
同時間長崎成功丸喺季初係威係勢，不過近期已經回落到中游位置，明顯正值「回氣期」，近6場日乙輸成4仗咁多，特別就係連入波都欠奉，作客只會死多幾錢重，係驚身為主隊嘅岡山綠雉未必把握到機會贏波，好在讓球開平手盤，唔使讓對手就唔使擔心會輸盤啦。（周三2，香港時間周三6:00pm開賽）