千里達平盤冇「危」機
若果有人話熟千里達同埋危地馬拉，咁呢個人一定係呃你嘅，不過由其他角度都可以分析到呢場美洲金盃嘅C組分組賽，邊隊有能力全取3分！（周四16，足智彩周五7:00am網上文字直播）
講真都幾難揀到邊隊波可以睇高一線，尤其係兩隊波嘅贏波賠率都係咁上吓，甚至連讓球都開埋平手盤，不過由佢哋揀邊個球員入隊就會有些少眉目！
好似危地馬拉為咗應付今屆美洲金盃，只係揀咗6個外流球員入隊咁大把，當然佢哋本身已經冇乜外流球員啦，不過唔叫晒所有外流球員歸隊唔多唔少都反映出佢哋唔志在呢個盃賽，反而練兵先係佢哋嘅真正目的。
反而千里達就叫晒所有外流球員歸隊咁滯，有大半隊波都係喺外國搵食，睇番卡迪夫城射手堅韋尼鍾斯仲有入選，有呢位隊長帶住一班鄉下佬當堂定好多，所以唔使理近期喺友賽不敵約旦，咁都只係開平手盤，唔撐佢哋就走寶。