千葉市原值得「根」進
冇錯千葉市原近期繼續失分，上個月中連和札幌岡薩多同埋福岡黃蜂雖然係失分收場，但係起碼見到佢哋開始回勇，所以打後贏到大分三神同埋FC岐阜可以話係意料之內，當然會有人驚射手森本貴幸近期因為冇態而搞到失去正選，攻力唔多唔少都要打番些少折扣，好彩斯洛文尼亞中場比斯尼克喺呢段關鍵時刻挺身而出，一出一入對攻力冇乜影響，作客金澤薩維根有成2.15倍咁高水唔要就走寶嘞。（周三10，香港時間周三6:00pm開賽）
最後排喺榜尾嘅大分三神，已經連續12場日乙未贏過波，睇番佢哋近期對住札幌岡薩多同埋大阪櫻花雖然都係和波而回，但係就冇擊敗對手嘅能力，和波已經算係執到，今次對住水戶蜀葵只係單憑主場而成為熱門，捧佢哋贏波似乎有啲不智。（周三8，香港時間周三6:00pm開賽）