河床主場有「利」可圖
唔少歐洲球隊都趁住暑假入貨，其實遠在南美嘅河床亦冇偷懶，佢哋買嘅並唔係爭緊上位嘅年輕新秀，而係昔日嘅青訓產品沙維奧拿同埋艾馬，另外曾經喺馬賽搵食嘅路爾斯干沙利斯亦都來投，冇錯以上球員個個都係30歲開外嘞，不過以佢哋嘅級數絕對有能力企穩阿甲，撞正呢排河床冇乜點贏，喺自己地頭遇到弱旅坦柏利就係贏波嘅最佳時機！（周六16，香港時間周日4:00am開賽）
香港呢邊打風，去到阿甲梗係留意颶風隊啦，佢哋喺上個月頭曾經贏過實力唔錯嘅拉費爾拿，之後作客高隆亦能夠喺半場落後嘅頹勢之下追成平手，一隊下游份子有咁嘅表現都幾夠說服力，喺主場迎戰排名更低嘅防衛者冇甩拖。（周六24，香港時間周日7:30am開賽）