艾夫斯堡難逢「迪」手
歐霸第一圈外圍賽次回合，瑞典嘅艾夫斯堡喺主場迎戰芬蘭球隊拉迪，晉級呼聲相對較高，因為兩軍首回合踢成2:2，艾夫斯堡有兩個作客入球喺手，可趁客軍焗攻後防空虛而開出「讓主」。（周四4，香港時間周五12:00am開賽）
歐霸第一圈外圍賽次回合，瑞典嘅艾夫斯堡喺主場迎戰芬蘭球隊拉迪，晉級呼聲相對較高，因為兩軍首回合踢成2:2，艾夫斯堡有兩個作客入球喺手，可趁客軍焗攻後防空虛而開出「讓主」。（周四4，香港時間周五12:00am開賽）
艾夫斯堡首回合作客芬蘭唔使輸，全場踢成2:2可謂任務完成，其實佢哋今仗只要和波比數細過2:2都可出線，不過客軍空群而出，艾夫斯堡當然會趁機施以突襲啦，何況呢位瑞典球隊攻力唔錯，近兩場瑞典聯賽累積轟入7球，包括2:2和科根堡，同埋5:1怒炒加費萊，再加埋剛才提到又係以2:2和拉迪，即係3仗共入9球，平均一場入3球，真係點到你唔驚。艾夫斯堡陣中狀態最好嘅係普迪爾，佢單計兩場瑞超都都入咗3球，其餘主將好似艾巴辛尼利、域陀卡里臣、希特隆特同埋馬古斯洛頓都士哥頻頻，對手難以防範。
相反地，拉迪喺本土芬蘭聯賽都係表現麻麻，上周雖然小勝施拿中基1:0，但早前就累積4場聯賽不勝，咁嘅狀態想阻艾夫斯堡開「讓主」都幾難。
奧特足球會贏波「夫」聲高
另一北歐球會奧特足球會喺主場對摩爾多瓦舒列夫亦勝望濃，皆因呢支挪威球隊首回合已大勝3:0，是役返去自己主場一定更加惡，舒列夫實力有所不及，做箭靶係意料之內，捧奧特足球會「讓主」。（周四7，香港時間周五1:00am開賽）
匈牙利費倫斯華路士主場對荷蘭伊高斯就呈現五五波之勢，雙方首回合亦踢成1:1平手，不過伊高斯已經好多年冇踢歐洲賽，經驗上輸蝕，反而費倫斯華路士係常客，揀呢支老手開出「讓主」。（周四11，香港時間周五2:30am開賽）