哥斯達黎加「薩」無赦

哥斯達黎加「薩」無赦 
 
美洲金盃B組另一場由哥斯達黎加對薩爾瓦多，哥斯達黎加首戰被牙買加迫和，主要原因在於球隊狀態未到正常水平，但打過一場之後整體肯定有改善，而且如果要爭出線，呢場對同組最弱薩爾瓦多不容有失，還好佢哋鋒線級數十足，熱身一場應該可以輕鬆擊敗薩爾瓦多，波盤齊贏冇問題。（周六30，香港時間周日9:00am開賽）
薩爾瓦多喺過去十幾年喺足球上發展不俗，不過球隊外流兵唔算多，喺中北美洲最多都係2、3線之流，相對哥斯達黎加始終係中北美洲頭幾名實力份子，過去喺世界盃等大賽都有出色表現。
哥斯達黎加今次大軍陣中，前線仍然有拜仁雷斯及祖爾甘保一對前英超兵，兩人雖然上場都冇入球，但歐洲兵唞咗個幾月狀態不足非常正常，打過一場之後今戰會有唔同表現。而且哥斯達黎加過去五年都冇輸過俾對手，連往績都贏埋之下，喺呢場唔贏唔得嘅賽事度肯定有足夠信心取勝，呢場讓球盤上盤讓一球係穩陣坐走望贏，絕對可以放心捧場。