利維迪亞異「軍」突起
愛沙尼亞嘅利維迪亞，喺歐聯第一圈外圍賽首回合，作客賽和北愛爾蘭十字軍0:0，今晚返主場再較量，相信可憑藉主場優勢一舉闖過呢關，足智彩有讓球主客和提供，放心買利維迪亞開「讓主」。（周二2，香港時間周三12:00am開賽）
睇好利維迪亞，仲有因為佢哋近期喺國內戰績彪炳，鑑於愛沙尼亞聯賽已開咧，佢哋上周就以3:1輕取贊斯拿華，另外喺盃賽更加以8:0怒炒卡達卡斯，火力相當驚人，既然首回合成功守和，次回合番自己主場當然有能力大開殺戒，「讓主」絕對係一個好選擇。
北愛爾蘭同英超等等聯賽同時唞緊暑，故此直至依家都未開咧，十字軍匆匆同布洛頓踢咗場熱身賽之後，就同利維迪亞踢歐聯第一圈外圍賽首回合，最終未能贏波真係意料之內，由於佢哋狀態未操起，今仗勢難阻止利維迪亞高歌猛進。