撐鴨巴甸主場報「捷」
蘇格蘭超級聯賽雖然未開咧，不過鴨巴甸喺歐霸第一圈次回合賽事主場對馬其頓舒肯迪捷嗰陣，仍然值得睇好可以輕鬆晉級，畢竟兩地足球水準有差距，鴨巴甸要開出「讓主」過關唔係難事。（周四12，香港時間周五2:45am開賽）
鴨巴甸首回合作客舒肯迪捷賽和1:1，贏唔到固然有啲失望，不過唔使輸兼有一個作客入球在手，情況亦唔算差，更何況鴨巴甸已經努力踢熱身賽提升狀態，早前先後以8:2狂勝布里金，同埋1:0力克另一蘇格蘭球隊聖莊士東，相信有唔少球員已經上緊力。另一邊廂嘅舒肯迪捷，由於馬其頓聯賽都未開咧，故此計狀態同主隊鴨巴甸差唔多，故此論實力都係買「讓主」穩陣。
冰島雷克雅維克主場對愛爾蘭曲克城情況差唔多，不過曲克城要作客去到北歐就一定唔習慣，何況佢哋首回合喺主場都係賽和對手1:1，是役去到雷克雅維克嘅地頭，睇怕都好難阻止「讓主」開出。（周四14，香港時間周五3:15am開賽）
同日以色列耶路撒冷比達主場對哈薩克奧達巴斯就勝負難料，兩軍嘅實力同埋近況都差唔多，否則首回合亦唔會踢成0:0，我哋作為投注者，邊隊晉級唔使理，買佢哋90分鐘開和局等收錢就最明智。（周四6，香港時間周五1:00am開賽）