加費萊主場「比」心機
呢場瑞超對好多球迷嚟講可以話係可有可無，不過身為主隊嘅加費萊就一定唔會怠慢，事關佢哋近季都喺下游浮浮沉沉，今晚遇到同樣要護級嘅哈馬比一定會當呢場波係決賽咁踢！（周一1，香港時間周二1:05am開賽）
目前加費萊雖然排緊中游，但係唔好以為降班完全唔關佢哋事，始終佢哋近年都係喺榜尾掙扎，一個唔好彩喺下半季連輸幾場又要諗定護級，可以預期佢哋一對同級對手就會當係生死之戰咁樣看待！當然今季加費萊真係交足功課，單單喺前個月就贏晒希爾星堡、辛斯華爾，同埋赫根，能夠脫胎換骨全靠中場貝迪爾臣帶番起成隊波，有消息話佢哋能夠以「夫添」上陣，當堂冇晒疑慮。
至於升班馬哈馬比過完季初嘅「蜜月期」，喺近7場瑞超已經輸咗5次咁多，偏偏喺呢個關鍵時刻前鋒比隆尼斯艾斯竟然需要停賽，既作客又冇主力，即使開到平手盤都諗唔到撐佢哋嘅理由。