堤格雷贏盤有「河」難
阿甲周中補賽，堤格雷主場鬥河床本來勝負難料，皆因兩軍近況差唔多，不過再睇真啲，會發現堤格雷今屆主場未嘗一敗，近4戰更加贏晒，故足智彩開讓球盤，堤格雷受讓平手、半球下盤可捧。（周三15，香港時間周四7:10am開賽）
堤格雷近7場只係試過作客輸俾獨立隊，如果單計主場表現更加係4連勝，包括上周2:1擊敗阿度斯維、2:0勝新芝加哥、2:0勝學生隊，同埋阿根廷盃1:0勝祖祖爾甘拿斯亞，射手卡路士隆拿狀態火紅，佢近兩次喺主場上陣幫堤格雷轟入4球，即管睇下佢喺呢場補賽又有幾多球進帳。
河床近況亦好好，佢哋早前喺自由盃以3:0輕取高士路，阿甲同埋阿根廷盃亦分別以2:0擊敗羅沙里奧中央同埋林尼斯布蘭卡，不過上周就同奧林普踢成1:1平手，終止咗3連勝走勢，而且河床三線作戰，體力始終有影響，今遇主場特醒嘅堤格雷仲要讓平手、半球，都係揀下盤穩陣。