哥列迪巴落飛請「祖」
巴甲兩支下游球隊相遇，雙方都有搶分需要，既然哥列迪巴同祖恩維爾實力上只係海軍鬥水兵，今場波勝負關鍵將取決於球迷支持同心態，故此佔有主場之利嘅哥列迪巴，有權開出「讓主」反底。（周六18，香港時間周日2:00am開賽）
哥列迪巴上周雖然不敵明尼路，但佢哋近3仗仍然取得1勝1和1負，都唔算好離譜，但係祖恩維爾近8仗輸7場就真係有啲過份，而且佢哋已累積180分鐘冇士哥，今仗難阻哥列迪巴開「讓主」。
另外高士路主場對帕拉尼恩斯根本冇勝算，事關主隊已3連敗，係巴甲其中一支近況最差嘅球隊，而帕拉尼恩斯上周擊敗聖保羅後士氣大振，加上開咧至今表現穩定，開「讓客」派錢係意料之內。（周六22，香港時間周日8:00am開賽）