大阪櫻花「神」通廣大
近期日乙其中一支最佳走勢球隊大阪櫻花，今個禮拜會喺主場迎戰大分三神，以其走勢應可順利再下一城。櫻花近6周聯賽不敗，近4周更得3勝1和，包括近2周連贏德島漩渦同櫪木SC，加埋入4球而1球不失，似乎卡卡奧同科蘭宣布離隊後，球員更而更加團結，今周有埋主場之利信得過。（周六8，香港時間周六6:00pm開賽）
大分三神聯賽排22，即包尾位置，演出有幾差大家心中有數；值得一提，三神雖已換上新監督柳田伸明領軍，但仍未能重開勝門，加上3大射手永井龍、三平和司以及艾雲度施華，分別因傷或被雪藏而肯定未能候命，三神要反底唔易。
另一場揀咗北九州向日葵對金澤薩維根。兩軍同樣喺上輪主場輸波，而且同樣失3球咁多，好有攻強守弱味道；再講，北九州向日葵射手小松壘腳風好順，今季已入8球，配合金澤薩維根亦有清原翔平同水永翔馬兩大射手壓陣，入球大有計。（周六3，香港時間周六5:00pm開賽）