磐田山葉主場捕「熊」
日乙二哥磐田山葉今周會喺主場迎戰熊本羅亞素。磐田山葉近期走勢又好咗好多，近4周得3勝1負僅輸俾FC岐阜，但就贏咗三哥金澤薩維根；事實山葉今季已顯示係升班熱門，計陣容絕對喺日乙大超班，再講佢哋今周更有射手保夫萊特坐完波監復出，而主力後衛木下高彰亦接近康復，難怪初盤多項賠率都熱到透，一於撐「讓主」。（周六11，香港時間周六6:00pm開賽）
熊本羅亞素聯賽排尾3即第20位置，開季至今演出麻麻；而羅亞素其中一個弱點係唔識打作客，今季10戰輸足一半僅贏3場，加上陣容上射手安達臣安達迪同後衛片山獎典都肯定因傷唔可能落場，點計今日造訪磐田成功偷雞機會都唔大。
同時間千葉市原會對FC岐阜。市原排名冇錯高好多，但佢哋近7戰其實只贏過榜尾隊三神，演出令人失望；相反岐阜最近作客贏過羅亞素同山葉，今戰亦有後衛岡根直哉坐完波監復出，受讓值博。（周六10，香港時間周六6:00pm開賽）