韋斯咸歐霸「路」亨通
新一季韋斯咸都幾多動作，當然買人只係例牌菜，最估唔到嘅係佢哋搵到前克羅地亞教頭比歷領軍，睇嚟新一季嘅目標並唔甘心再做中游份子，話唔定想喺歐霸建功立業！（周四9，香港時間周五2:45am開賽）
冇錯上季季初就傳過「槌仔幫」會炒「大Sam」，不過佢喺之後一手將球隊帶上中游，整體表現都算合格，不過季尾依然同佢和平分手，另外換上前克羅地亞教頭比歷，睇嚟佢哋並唔滿足於「大Sam」嗰套企穩中游嘅保守戰術。當然由其他地方亦搵到「槌仔幫」有意建功立業嘅蛛絲馬跡，季尾佢哋一次過放走咗前鋒卡頓高爾、中場利尼，同埋已經40歲嘅門將積亞基連倫，再高調喺馬賽引入攻中皮耶，亦由森多利亞買埋後衛奧比安，搞咁多嘢都係想話畀球迷知佢哋喺新一季會有所改變，嚟到歐霸外圍賽遇到弱旅路施坦斯，開出「-3」係小兒科啦。
洛辛堡睇「高」一線
而一直踢開比賽嘅北歐球隊喺外圍賽有唔少優勢，好似洛辛堡就直情係挪超一哥，冇乜點走樣作客唔會怕法羅群島嘅維京加高泰，開到「-2」照撐「讓客」。（周四7，香港時間周五2:00am開賽）