蒙特利爾衝擊拆「紐」

蒙特利爾衝擊拆「紐」
 
蒙特利爾衝擊雖然有隊長貝尼亞停賽，不過佢哋今仗嘅對手紐約城傷兵滿營，真係連兵源調動都有問題，故此蒙特利爾衝擊有權借助主場之利一舉取得3分兼開埋「讓主」。（周六23，無綫網絡電視302頻道香港時間周日8:00am直播）
紐約城上周以1:3不敵紐約紅牛，陣中傷兵有祖舒威廉斯、卡尼舒爾頓、查維亞卡利、美亞拿同干拿白蘭特，另外佐治約翰同埋東尼泰萊未趕及復出，迪斯基路特又被美國國家隊徵召，連教練卡雷斯都表示人手短缺，今仗唔知點排陣。主隊蒙特利爾衝擊有隊長貝尼亞停賽，不過艾歷米拿同埋哈桑卡馬拉可復出，夠力開「讓主」。
同日FC達拉斯對新英倫革命可睇好主隊，因為達拉斯嘅朗拿度艾斯高巴可以復出，相反新英倫革命有達路斯班尼斯同埋鍾斯兩位必然正選倦勤，加上安德魯法尼利坐波監，睇好達拉斯開「讓主」。（周六25，香港時間周日9:00am開賽）