奧蘭多城稱「皇」稱霸
美職聯大戰連場，而最矚目就應該係「雙城記」，皇家鹽湖城雖然剛贏波反底，兼有主場之利，不過今仗對手奧蘭多城仲猛料，佢哋近兩仗全勝之餘，更加未失過一球，是役開「讓客」唔難。（周六26，無綫網絡電視302頻道周日10:00am直播）
皇家鹽湖城上周擊敗波特蘭伐木者，不過早前對住哥倫布機員同埋紐約紅牛都贏唔到，加上佐敦艾倫繼續要停賽，碧卡文、利文度、沙保里奧同埋伊利亞斯華斯基斯又要為各自嘅國家隊服役，陣容嚴重不整，而客軍奧蘭多城嘅走勢正逐漸回穩，星級外援卡卡亦愈踢愈勇，喺冇乜主力受傷嘅情況之下，開「讓客」真係唔出奇。
同日洛杉磯銀河喺主場對FC多倫多，亦可以投銀河信心一票，事關謝拉特會喺半場亮相見球迷，屆時氣氛高漲，銀河球員亦會打高一皮波， 開「讓主」收服FC多倫多絕對係意料中事。（周六27，無綫網絡電視301頻道周日10:30am直播）