今晚世界盃歐洲區外圍賽，實在不乏強弱懸殊比賽，所說的除了實力，還包括最重要的戰意。I組榜首克羅地亞，會於主場迎戰魚腩芬蘭，前者正與冰島競爭首名，絕對是一分都不能少，克羅地亞各項條件佔優下，料可如願輕勝，上盤去馬。
I組克羅地亞及冰島各得16分，而土耳其、烏克蘭都各有14分，換言之四隊爭一個直接出線席位，克羅地亞失一分都唔掂，今仗難得遇魚腩，當然會當是決賽咁踢。
克羅地亞是近年大賽常客，雖然未能加入爭標的行列，但卻是中堅份子。餘下比賽不能有失，克軍今仗亦精銳盡出，中場線巴塞隆拿、皇家馬德里兩大王牌拿傑迪錫及莫迪歷固然在陣，而前鋒線則有大勇的祖雲達斯射手文迪蘇傑主攻，中前場的級數之強，實非芬蘭的脆弱後防可以抵擋。
自從利物浦名宿希比亞及列馬倫掛靴後，近十年芬蘭基本上沒有誕生過球星，於歐洲只是三、四流的球隊。過去十次作客，芬蘭只取得三和七負劣績，球隊即使在餘下兩仗贏波，亦肯定無緣決賽周，球員的鬥志之差與主隊根本冇得比，縱獲大幅受讓亦難有勝機。