西甲今晚上演重頭戲馬德里打吡，剛被西維爾轟破不敗金身的皇馬，會於班拿貝球場迎戰馬體會。白頭沈上仗言中西維爾可威脅皇馬，結果後者更大敗3球，今仗面對來意不善的馬體會，上盤並無把握，宜秤先客軍一線。
皇馬連續3季歐冠封王，是史無前例的成就，但同時間兩大球王施丹及C朗掛冠而去，相信小學生都明白，他們的實力肯定會走下坡，無可能不退反進。
儘管皇馬在前6場比賽仍保強勢，取得5勝1和佳績，但上仗作客對住西維爾，竟在上半場就失3球，結果亦以此比數落敗。上場我已指出，失去C朗的銀河艦隊，仍足以恰世界九成隊伍，但遇上強者對話的場合，沒有了一錘定音的球王，則點都會差些少。回看C朗加盟祖雲達斯，該意甲勁旅目前7戰7勝，是目前歐洲六大聯賽唯一一支仍保持全勝的隊伍，佢值唔值1億歐元轉會費？唔使講啦！
馬體會今夏除了保留了法國一哥基沙文外，也增添了新星湯馬士林馬，實力比去季有過之而無不及，白頭沈早視他們與西維爾為本季西甲爭標黑馬，既然上仗西維爾可以大勝皇馬，則今仗馬體會獲得受讓，就算贏唔到，下盤都值博。