曼城後防告急，100%會於冬季轉會窗增兵補鑊，近日英國傳媒便盛傳領隊哥迪奧拿已有腹稿，將葡萄牙新晉中堅魯賓戴亞斯視為頭號目標，據悉同市宿敵曼聯有意加入爭奪戰。
去年賓菲加重奪葡超冠軍，被形容陣中有兩粒寶石。暑假以1.13億鎊加盟馬體會的神童祖奧菲歷斯是其一，另一顆便是獲藍月青睞的魯賓戴亞斯。曼城求才若渴，加上連細路哥都知該隊財力雄厚下，倘成事，相信又會是一宗天價交易。
據悉，魯賓戴亞斯與賓菲加的合約有所謂的買斷條款，正路地曼城用5900萬鎊便可以帶走他。剛巧魯賓戴亞斯的經理人，是有吸血中介之稱的佐治文迪斯，有指後者已打算做手腳，將魯賓戴亞斯的買斷金額提升至7900萬鎊，會否繼今夏哈利馬古尼轉會曼聯後再破中堅身價紀錄，大家拭目以待。
哥迪奧拿班救兵之餘，也不忘安撫缺乏機會的19歲新星菲爾科頓。今季因奇雲迪布尼復出，令菲爾科頓的上陣時間大大壓縮。哥帥視菲爾科頓為契仔，日前高調地表示︰曼城個個都賣得，唯獨菲爾科頓，畀五個億（鎊）我都唔賣！
哥帥同時告訴菲爾科頓，要他耐心等待機會，畢竟在曼城，競爭對手不乏球王級。球迷又畀啲時間睇吓，菲爾科頓是否真會成為英格蘭的美斯。