英超史篤城剛從巴黎聖日耳門借得西班牙前鋒謝斯洛迪古斯，可唔可以加強攻力就未知，不過女友Aurah Ruiz，就肯定成為英國狗仔隊追訪目標，事關呢位23歲模特兒，擁有惹火身材，有力挑戰英超最索WAGs地位。
謝斯上季初由皇馬加盟PSG，加盟儀式風頭已經俾Aurah Ruiz搶晒，大家淨係留意佢嘅索女友；Aurah Ruiz本身係模特兒，亦不時喺IG、Twitter上載靚相，IG追隨者都有廿幾萬。謝斯似乎都擔心女友俾人撬，所以努力造人，7月中Aurah Ruiz先幫佢生第3個小朋友，Aurah Ruiz近期都要休息同湊B，可能要遲啲先喺英超賽場蒲頭。
講起謝斯，佢除咗踢波勁，幫皇馬贏過兩屆歐聯冠軍外，仲有副業做Rapper，外號Jey M，仲出過CD添。