車路士 vs 修咸頓
足智彩與歐指讓球初盤同開車路士讓半／一中水，到週六下午，車仔上盤回飛至高水，修咸頓下盤有早飛到。相較「藍戰士」近４季在史丹福橋迎戰「聖徒」，都要讓一球，甚至球半／兩球，今季只讓半／一，仲要回飛，似乎莊家不太看好主隊。
車路士開季頭５場聯賽只贏西布朗，到九月中才取得３連勝。正當聲勢漸復之際，車路士上週聯賽苦戰下只能２比２逼和尾二的紐卡素，週中更於歐聯１比２敗走於摩連奴的前東家波圖，士氣重陷低谷。車路士兩大中場主力夏薩特及法比加斯，今季狀態平平，只有韋利安較為對辦。最令摩連奴頭痛的，是後防兩大護法泰利及伊雲洛域，今季狀態急速下跌，除了３連勝時後防略穩外，其餘多仗都失２球或以上，車路士今季攻守能力都退減。
至於修咸頓季初表現亦只屬一段，但在歐霸盃外圍賽出局後，修咸頓漸拾正軌，在近５仗取得３勝１和１負，只２比３僅敗於曼聯。另外，修咸頓今季聯賽及盃賽６次作客，取得２勝３和１負，客場表現頗為硬淨。加上兩隊上季聯賽２次碰頭，皆以和局終場，今仗可博落飛的修咸頓下盤，要受讓半／一的讓球客勝。
此外，今季車路士防線欠穩，而修咸頓在朗奴高文帶領下，採主攻的踢法，今仗可兼捧入球大。
推薦：2-2