摩连奴有能力让红魔鬼展现魔力。 今夏欧洲转会市场可谓风起云涌，当中不乏落魄豪门AC米兰嘅大肆买人、英超土豪曼城嘅连续大手笔引援以及球迷始料不及嘅巴西天王尼马改换门庭等精彩大戏。欧陆各路豪门都喺今夏使出浑身解数力求提升实力，当中有乱买一通型，有豪购型，当然更多嘅系针对性补强型，最后一种类型显然最为理性，其中笔者最爱嘅曼联就系「理性俱乐部」中嘅一员。
众所周知，曼联之所以成为英超嘅金漆招牌全赖于费格逊爵士带队有方，球队喺佢麾下的确获奖无数，同时亦俘虏了万千球迷嘅心。想知曼联嘅影响力有几大？大家不妨留意下球队每个夏天海外之旅嘅轰动效应就能知晓。但坦白讲，虽然如今曼联依旧系全世界最受欢迎嘅球队之一，但不得不承认只系食紧老本。自从费Sir退休之后，无论系摩耶斯抑或云戈尔都无法让曼联重返巅峰，而且球队身上嘅「魔力」亦逐渐消失，确实让人唏嘘。幸好守得云开见月明，有「狂人」之称嘅摩连奴终于喺去年夏天驾临奥脱福，哩位葡萄牙名帅嘅威水史唔使我讲大家应该都知，「年纪轻轻」就获选为欧足联历史十大名帅，带队功力之强可见一斑。从摩连奴入主曼联开始，球迷就开始发现，球员精神面貌以及斗志方面都远胜前两年，逐渐有过去费Sir时代嘅影子。此外，摩连奴睇人嘅眼光向来唔错，佢力主引进嘅艾历拜尼、保罗普巴、米希达恩以及伊巴谦莫域都已经于上季各项赛事当中证明自己。更为重要的是，曼联由于获得上届欧霸锦标，球队得以重返本来属于自己嘅地方，就系欧冠赛场，咁无疑系好嘅开始。
经过了一个算系「成功」嘅赛季之后，一向为锦标而生嘅曼联今夏亦准备好「弹药」招兵买马，与曼联传绯闻多时嘅瑞典后卫连迪路夫终于顺利加盟，尽管此子今夏热身赛当中嘅表现未如理想，但摩连奴最拿手嘅就系调教后卫，连此前被广大球迷认为系必走之人嘅洛祖都被成功抢救，相信连迪路夫融入球队只系时间问题。至于马迪以及卢卡古两大新援之前都有同摩连奴合作过，彼此都较为熟悉，而且佢哋英超经验丰富，适应方面完全唔成问题。而在今夏的热身赛当中，马迪和卢卡古均有不少精彩演出，可见佢哋已经开始逐步搵到感觉。其中马迪嘅加盟最大受益者无疑系保罗普巴，前者将承担起中场嘅扫荡任务，从而能让法国中场更大限度地表现自己。至于卢卡古，佢显然系替代伊巴谦莫域嘅理想人选，之前一直有传哩位比利时锋霸系车路士嘅囊中物，但最终都系以曼联成功抱得美人归告终，佢来季喺场上嘅表现可谓备受期待。摩连奴此前接受采访时表示，自己对于球队今夏的引援工作非常满意，如果再嚟一个就更加好，需知佢之前话过今夏引援会有惊喜，但如今仍未出现，当时笔者觉得惊喜会系尼马，但最终巴西人亦无缘成「魔」。咁究竟哩个惊喜会系乜呢？大家就继续等待喇。
现今足球世界已经系与金钱挂钩，财力直接影响球队战绩，曼联嘅吸金能力就无需多言喇，但球队向来理性投资，唔会盲目砸钱，相信来投之人都系球队所需嘅人选。新球队已经日渐临近，相信志在大展拳脚嘅曼联都会加紧补强步伐，以便拥有一个令人满意嘅赛季，让世人再一次领略「红魔鬼」嘅威力。