鹿岛鹿角成功迈进亚冠半准决赛。 喺昨天晚上上演嘅亚冠十六强次回合其中一场较量中，日职联劲旅鹿岛鹿角虽则客场1比2告负，但凭藉首回合主场嘅3比1，佢哋最终总比数以4比3淘汰中超新贵上海上港，成功迈入今届亚冠半准决赛。
带著首回合3比1嘅优势，鹿岛鹿角晋级优势可谓相当明显。不过顽强嘅上海上港喺次回合第七分钟已经由侯克先声夺人，赛事走势一度重新变得不明朗。但随住土居圣真喺上半场尾段为鹿岛鹿角扳回一城，呢个宝贵嘅客场入球亦令到胜利女神彻底指向鹿岛鹿角，即使侯克喺81分钟凭藉十二码帮助球队再度带前，但都于事无补，上海上港最终以两回合总比数3比4饮恨出局。
作为日职联队伍喺今届亚冠十六强嘅独苗，鹿岛鹿角如今又带住日本全国粉丝之期盼成功晋级半准决赛。与此同时，今次晋级亦系鹿岛鹿角自2008年之后再次踏上亚冠半准决赛舞台，呢个「十年之约」实在令人动容。
不过喺当年嘅赛事当中，鹿岛鹿角最终未能迈过澳职联队伍阿德莱德联，遗憾止步半准决赛。十年后嘅新一代鹿岛鹿角能否迎来突破，各位波友不妨拭目以待。