广岛三箭射手A.柏德烈目前领跑神射手榜。
射手D.奥利华拉(右)系FC东京争胜最大本钱。 同往年相比，今季日职联嘅主旋律注定会以复仇作为脚本，皆因喺目前赛程过半嘅情况下，广岛三箭和FC东京呢两支上季嘅失意队伍目前分别占据住积分榜第一、二名，实在令人大跌眼镜。
喺上季联赛征程当中，广岛三箭排名第十五，而FC东京都唔好得几多，仅排名第十三，可以讲同「死神」都算擦肩而过。不过痛定思痛嘅佢哋喺今季明显有备而来，21轮过后分别手握48分和40分分列积分榜头两位。而从上季嘅堕落到今季嘅反弹，两队毫无疑问都需要多谢队中嘅一位外籍射手。喺A.柏德烈嘅领军下，广岛三箭目前均场联赛可以攻入第二高嘅1.67球，而暂时攻入15球嘅前者更加系金靴大热；至于FC东京阵中同样有D.奥利华拉呢支洋枪护航，球队嘅攻击力亦同样喺今季联赛中名列前茅，因此战绩提升亦算系水到渠成。
嚟紧礼拜三傍晚日职联大开快车，各位波友届时不妨锁定M直播，一齐睇下呢两位外籍射手有几咁巴闭。