久保建英(左)潜力无可限量。 横滨水手拥趸喺过去呢个周末相信心情一定唔错，皆因喺新星久保建英嘅发光发热之下，球队顺利重返正轨，喺保组之路上踏出咗坚实嘅一步。
喺寻日下午进行嘅一场日职联较量当中，正为来季亚冠资格奋斗嘅神户胜利船喺主场遭遇闷棍，凭藉久保建英和仲川辉人喺下半场嘅分别建功，横滨水手最终反客为主送赠主队神户胜利船两蛋。同时呢场来之不易嘅胜利除咗帮助横滨水手成功终结两连败嘅困境之余，亦令到佢哋继续喺积分榜上以1分力压鸟栖砂岩排名第十五位。
值得一提嘅系，今仗为横滨水手打破僵局嘅久保建英系首次喺日职联赛场以正选身份登场，而呢个入球亦系佢喺日职联赛场嘅处子球。
对于呢位曾经喺拉玛西亚足球学院受训嘅17岁新星，被誉为「日本美斯」嘅久保建英即使回归本土赛场却依然受到国外媒体嘅关注。其中有西班牙当地媒体更加喺赛后表示，「日本美斯」击败咗恩尼斯达之队。