鹿岛鹿角有惊无险重返三甲

2018-11-01 12:02 来源:滚球网


鹿岛鹿角顺利重返胜轨。 今季日职联已经斗到入最后直路,除咗争冠同保组形势引人入胜之外,其实亚冠资格争夺战一样系斗到天昏地暗。而随住鹿岛鹿角喺寻日击退大阪樱花全取3分后,联赛第三之争已经愈发扑朔迷离。

凭藉小将小田逸稀喺下半场开波不久后嘅一箭定江山,鹿岛鹿角喺寻日傍晚1球力挫大阪樱花。喺经历连续两轮联赛不胜之后,鹿岛鹿角终于如梦初醒。

而取得本场重要嘅3分之后,31轮过后手握49分嘅鹿岛鹿角亦喺踢多1轮嘅情况下反超札幌冈萨多,成功重返积分榜第三位。不过鹿岛鹿角目前领先从第四到第八位嘅球队最多都不过两场波嘅差距,加上自身目前踢多1轮有所蚀章,究竟边位幸运儿能够最终杀入三甲夺得来季亚冠资格仍然系悬念十足。