上港夺冠可谓实至名归。 随住球证一声哨响，上海上港喺寻晚进行嘅第29轮中超比赛中主场2比1击退北京人和，而凭藉呢场胜利，上港亦提前一轮顺利称王。喺时隔23年之后，中国顶级联赛冠军再次归属上海。
作为中国最为核心嘅城市之一，上海足球喺过去多年嚟却始终未有与城市地位相衬嘅亮眼战绩。不过喺上海滩老大哥上海申花逐渐褪色之后，由上港集团重金打造嘅上海上港已经快步成为如今上海足球嘅新招牌。而喺连年大水喉射住嘅情况下，加上中超霸主广州恒大亦渐渐开始由盛转衰，今季中超冠军终于不再归属羊城。与此同时，终于成功打破恒大统治嘅上港亦系继申花喺1995年夺得当时嘅甲A冠军之后，再一次将中国顶级联赛冠军荣誉留喺上海(2003年申花夺得甲A冠军被中国足协剥夺)。
如果要论上港今季夺冠嘅功臣，赛季至今已经攻入27个联赛入球嘅本土攻击手武磊自然会首先映入眼帘，提前一轮刷新尘封12年之久嘅中超本土球员入球纪录更加非常威水；而由侯克所领衔嘅外援进攻群亦系球队夺冠嘅一大助推力；当然我哋亦都唔可以忘记如于海、吕文君、王燊超乃至门将颜骏凌，呢班本土球员喺全季当中给予咗上港喺攻防两端嘅极大保障。可以讲，与过去几年屡屡依靠外援包办一切嘅单调局面所不同，上港今季全队上下都登上咗一个新台阶，而赛季主客场双杀恒大就系佢哋今季统治力嘅最佳诠释。
喺恒大迫切需要进行更新换代之际，正进入丰收期嘅上港显然唔会甘心于一个联赛桂冠，我哋有理由相信，2018年将会系上港王朝嘅开始。