鹿岛鹿角如今士气正佳。 今季日职联已经斗到入最后直路，喺最后呢100米冲刺嘅情况下，虽然冠军已经被川崎前锋提前锁定，但仲有边队可以跑出夺得来季亚冠资格仍然系悬念十足。
要数近期日职联最闭翳嘅队伍，想必广岛三箭会系首当其冲映入大家眼帘。从争冠大热到如今嘅亚冠资格都随时不保，广岛三箭内部究竟发生咗乜事已经唔重要，重要嘅系已经连续8轮不胜嘅佢哋如今喺最后一轮能否成功知耻而后勇，守住目前积分榜第二嘅位置。不过广岛三箭(手握56分)喺收官战将需要客战目前落后2分排名第四嘅札幌冈萨多，毫无疑问两队今仗都输唔起，一场恶斗在所难免。
至于目前手握55分排名第三嘅鹿岛鹿角，则将喺最后一轮主迎下游队伍鸟栖砂岩。虽然鸟栖砂岩为避免跌入降班附加赛，此番战意无需怀疑，但对于已经豪取联赛三连胜嘅鹿岛鹿角嚟讲，将胜利留喺主场仍然系信心十足。而只要自己可以顺利取得3分，鹿岛鹿角就可以隔岸观虎斗，锁定一席来届亚冠资格。
如果想第一时间知道今季日职联最后一轮嘅战况，本周六就记得锁定M直播喇！