日职联首轮赛程已经出炉。 再过3个礼拜，新赛季日职联将重燃战火，究竟新赛季川崎前锋能否完成三连冠伟业？抑或系亚冠卫冕冠军鹿岛鹿角重新投入联赛争冠，定系传统豪门广岛三箭、浦和红钻、大阪飞脚等形成争标集团？仲有神户胜利船同埋鸟栖砂岩呢两支近年都引入咗大牌球星嘅队伍会唔会对川崎前锋造成威胁？新赛季日职联肯定烽烟四起，今日先同大家分析一下投注策略。
盘王——札幌冈萨多同大阪飞脚要关注
札幌冈萨多上季喺一众豪门争亚冠资格嘅途中异军突起，最终还取得第四名的佳绩，可惜日皇杯决赛嘅两支球队都并非联赛前四队伍，札幌冈萨多遗憾与亚冠杯失之交臂。不过佢哋作为一支一向被认为嘅平庸之师，上季拿到如此佳绩，盘路亦肯定有唔少肉吃，34场日职联札幌冈萨多就只输过9次盘，其中作客赢盘率接近六成，全季长捧让球盘绝对值得关注；值得一提嘅系，上季长捧让球盘主客场反差最大嘅系大阪飞脚，佢哋上季联赛主场赢盘率高达76.5%，成为上季日职联主场盘王，不过佢哋作客净系得4次全赢2次赢半嘅表现真系令人大失所望，球队亦都系上季日职联作客盘虫，新赛季不妨长期投资大阪飞脚主场赢盘客场输盘或将有不俗回报。
上下盘追击——上至名古屋下至东京
众所周知，卫冕冠军川崎前锋一向都极为崇尚进攻，不过喺名宿鬼木达(Toru Oniki)执教之后，球队唔单止保留强劲嘅攻击力，而且防守亦有咗唔少进步，做到攻受兼备之后，佢哋终于成功冲击咗联赛锦标，不过佢哋并非追捧上盘嘅理想球队，皆因佢哋2:0、2:1和3:0嘅波胆合共出现多达14次，以佢哋嘅攻击力嚟睇，开出上下盘嘅盘口通常都比较高，追捧佢哋下盘更为明智。不过综观上季日职联，虽然名古屋八鲸最终只收获倒数第四的成绩，但球队攻击力却不容小觑，只可惜佢哋压上进攻嘅同时，后防线却漏洞百出，以至于均场失球亦都系日职联最高，可以话，名古屋八鲸开出上下盘上盘嘅机率系最高嘅，上季佢哋全场入球总数开出3球或以上次数高达24次。对比起名古屋八鲸，FC东京则刚好相反，球队乃系上季日职联防守第二好嘅队伍之一，不过佢哋死守嘅态度始终如一，导致FC东京全季有多达23次全场入球总数喺2球或以下，佢哋嘅下盘值得关注。
特别数据
上季日职联一共有813个入球，其中喺最后10分钟一共产生多达135球，因此喺即场投注方面，大家不妨内心等待，喺最后时刻更多关注上盘，尤其要留意大阪樱花、磐田山叶、名古屋八鲸同埋仙台维加泰呢几支最后10分钟入球数达到双位数嘅队伍。