托里斯需要尽快提升状态。 西班牙球员喺今季日职联当中绝对系一股不可忽视嘅力量，不过当中亦系有人欢喜有人愁，其中曾经嘅金童托里斯更加系相当闭翳。
随住西班牙高产射手大卫韦拿今季正式加盟神户胜利船，加上上季已经先行探路嘅西班牙巨星恩尼斯达，神户胜利船嘅西班牙味道可谓渐浓。而上仗联赛凭藉大卫韦拿嘅一箭定江山，神户胜利船亦喺短暂磨合过后迅速称雄。不过佢哋嘅手下败将鸟栖砂岩就显然仍未搵到重返正轨嘅答案。
与神户胜利船相比，鸟栖砂岩阵中同样不乏西班牙色彩，托里斯喺锋线嘅压阵拥有足够嘅震慑力。而经过上季嘅适应过后，托里斯今季喺日职联嘅发挥同样备受期待。可惜喺头两轮联赛中，鸟栖砂岩遭遇连败兼且颗粒无收，至于托里斯则在场上碌碌无为，表现与外界嘅期望可谓相距甚远。
话就话赛季啱啱先开始，但如果托里斯状态依旧未有起色，不仅鸟栖砂岩会有危险，这位即将年届35岁嘅西班牙球星嘅养老之旅亦势必会亮起警报。