FC琉球开季状态火热。 日职联固然系精彩万分，但其实今季日乙同样热闹非凡，其中一股「琉球旋风」更加系席卷赛场。
今季啱啱升上日乙嘅FC琉球，外界本身对佢哋嘅最大期望就系能够尽快适应节奏截然不同嘅日乙赛场，避免成为联赛嘅升降机。但显然FC琉球喺今季明显系有备而来，喺开季头4轮联赛竟然录得全胜战绩，均场攻入2.75波嘅进攻火力更加傲视日乙群雄。其中，本土射手铃木孝司在头4轮中更加攻入5波，风头可谓相当劲。
不过联赛先啱啱开始，依加就话FC琉球有望夺得来季日职联资格明显为时尚早。但呢股「琉球旋风」究竟可以吹得几劲，嚟紧会唔会继续俾到惊喜予大家，就肯定值得持续关注。