苏斯克查将继续带领曼联走向复兴。 就如同恋爱一样，虽然大家早已情投意合，但缺少一张婚纸却始终会令一段关系充满不确定性。不过越睇「旧爱」越顺眼嘅曼联管理层终于喺寻日下定决心，将未来托付俾苏斯克查。
3年合约，年薪约为700万英镑，虽然同前任摩连奴(Jose Mourinho)嘅1800万英镑相距甚远，但对于第一次执教豪门嘅苏斯克查嚟讲，喺呢一刻机遇远比金钱嚟得重要。而从救火教头到如今正式转正，先唔好讲球队战绩如何，最关键嘅系佢成功拯救咗原本已经死气沉沉嘅球队内部氛围，并且成功激活咗如普巴和马迪尔等一度被传心灰意冷急盼离队嘅好手。而喺得知苏斯克查正式掌舵曼联后，包括基斯史摩宁、拉舒福特和普巴等球员乃至大量魔迷都第一时间对此表示热烈欢迎。喺摩佬同球员关系界限明显，将帅关系犹如计时炸弹一样随时会爆相比，深得人心嘅苏斯克查喺管理模式上显然更胜一筹。正所谓得民心者得天下，起码曼联如今喺团结度上可以自豪咁表示绝不失礼。
正式转正嘅呢一日，啱好系苏斯克查上任嘅第100日，喺呢段日子当中，佢总计带领曼联出战19仗各项赛事，其中14仗笑到最后，胜率高达74%。而且当中更加不乏欧冠客场淘汰巴黎圣日门等经典战役。与此同时，喺上任后带队征战嘅13场英超赛事中，曼联一共攞到32个积分，呢个数据已经可以排名历史前五。而且正系凭藉呢段抢分狂潮，曼联得以重新回到争入联赛前四嘅竞争当中，曾经一度已经半掩大门嘅来季欧冠资格又再度见到曙光。呢一切，苏斯克查绝对功不可没。
不过就正如曼联名宿加利尼维利(Gary Neville)所言，曼联复兴嘅道路依旧任重道远，苏斯克查喺曼联嘅执教之旅从呢一刻先正式开始。虽然喺临时接过曼联教鞭之后，苏斯克查令到球队精神面貌有翻天覆地嘅变化，战绩亦有明显提升，但曼联如今距离前四仍有2分差距，而欧冠半准决赛亦将遭遇夺冠大热巴塞隆拿嘅考验，球队今季最终走向如何仍然难以预料。另外，喺正式上任之后，苏斯克查亦坦言已经将部分目光投放喺今夏转会市场上，不过传言曼联即将会新增技术总监一职，而且球队管理层亦透露接下来引援将会走青春路线，因此包括中坚、边闸等多个位置需要进补嘅佢哋最终会喺转会市场上给予苏斯克查点样嘅回应亦系一个焦点。但作为魔迷，过去几季球队最缺乏嘅就系见到希望，如今喺有曼联DNA嘅苏斯克查领军下，但愿眼前嘅光明唔会系昙花一现。