FC东京目前军心正佳。 要数今季日职联开局最为耀眼嘅球队，目前一哥广岛三箭自然无得走，但暂居次席嘅FC东京同样不容忽视。
喺2017赛季，FC东京手握40分排名联赛第13位，逃过降班厄运已属交到功课；接落嚟嘅2018赛季，FC东京表现更上一层楼，50分在手嘅佢哋排名提升至第6位；嚟到今季，喺掌舵人长谷川健太(Kenta Hasegawa)嘅悉心调教下，FC东京显然已经唔满足于前列嘅排名，佢哋如今已经可以讲剑指冠军宝座。
喺今季头7轮联赛过后，FC东京与一哥广岛三箭同样取得5胜2和嘅优异成绩，双双成为联赛至今仅存嘅两支保持不败嘅队伍。而FC东京目前势头咁好，外籍射手D.奥利华拉应记头功，皆因呢位上季队内神射手(联赛攻入13波)喺今季7轮战罢便已有5波进账。除咗令到自己有望冲击联赛神射手奖之余，佢嘅出色发挥亦为FC东京取胜保驾护航。
不过要想验证FC东京嘅真正争冠成色，可能要到本周五先有一个结论，因为佢哋当日将需要客战广岛三箭。而究竟边个能够喺本场榜首大战中笑到最后，我哋届时一齐锁定M直播去见证。