鸟栖砂岩开局表现令人相当失望。 如果要数日职联新赛季至今最为闭翳嘅球队，相信呢份「殊荣」都非鸟栖砂岩莫属。
喺上轮联赛中不敌湘南比马后，鸟栖砂岩过去4轮联赛全数落败，而且均遭遇零封。同时如果计埋3月底作客与横滨水手嘅0比0和局，鸟栖砂岩已经连续5轮联赛未能取得入球。
今季日职联已经战罢9轮，鸟栖砂岩至今竟然只取得可怜嘅1个入球，而呢个入球甚至已经要追溯至3月中旬。经过统计，9轮仅入1球嘅表现亦刷新咗日职联历史最差纪录。在此之前，历史最差纪录系发生喺2014赛季嘅德岛漩涡，当时佢哋开局9轮联赛过后仅入2球。而类似情况亦发生过喺2016赛季嘅名古屋八鲸身上，当时佢哋喺赛季下半程期间一度亦录得过9轮入2球的尴尬数据。
虽然阵中不乏托里斯等名将，但鸟栖砂岩赛季至今进攻火力确实弱到冇朋友，佢哋能否尽快知耻而后勇，我哋一齐拭目以待。