神户胜利船目前深陷连败泥潭。 要论近期最闭翳嘅球队粉丝，相信神户胜利船一众拥趸都属于不二之选。
喺寻日进行嘅最新一轮日职联较量中，连战连败嘅神户胜利船未能够痛定思痛，佢哋最终喺横滨水手地头遭遇到一场1比4嘅大败。而再遭一败之后，神户胜利船亦喺联赛中无奈遭遇七连败，目前喺积分榜上领先副班长清水心跳只有1分，今季前景已经相当不容乐观。
值得一提嘅系，自从2003年日职联改制之后，七连败嘅战绩已经刷新咗新嘅球队连败耻辱纪录。
虽然神户胜利船阵中星位十足，但球队如今表现却远远低于预期，对于盼望喺日职联刮起一股西班牙风暴嘅神户胜利船管理层而言，或者球队已经到咗改变嘅时刻。