柏雷素尔距离重返日职联已经越嚟越近。 喺啱啱过去嘅一个周末，日乙第33轮赛事有多场好戏上演，结果当然系有人欢喜有人愁，但要数最开心嘅球队相信都非一哥柏雷素尔莫属。
凭藉染谷悠太和江阪任在下半场的分别建功，柏雷素尔喺啱结束嘅一轮联赛中主场2比1力挫FC爱媛。一扫此前连续3轮不胜嘅同时，更加由于一直喺积分榜上紧咬自己嘅山形山神和FC横滨喺本轮均意外失分，导致目前33轮过后手握66分嘅柏雷素尔领先身后2、3位已分别达8分同9分，来季重返日职联之美梦已经接近成为事实。
虽然柏雷素尔如今一枝独秀，但剩余嘅一个直接升班名额(第二名)乃至升班附加赛资格(第三至六名)仍然有多队争崩头。睇返成个积分榜，从排名第二嘅山形山神到排名第十一嘅长崎成功丸，最大分差只有8分，喺联赛剩余9轮嘅情况下，谁能够成为最终嘅幸运儿仍系未知数。