广岛三箭重启后表现无走样。 用千呼万唤始出来嚟形容上周末重启嘅日职相信绝不为过，而喺啱过去嘅呢轮赛事中，不少球队今季嘅走势亦初见端倪。
时隔近5个月后，重启后嘅首轮日职有3支队伍延续咗胜绩，其中与FC东京及大阪樱花相比，暂列一哥嘅广岛三箭更加值得俾最大个Like。皆因喺复赛首战当中，佢哋兵不血刃咁送赠神户胜利船三蛋，计埋联赛首轮以相同比数气走鹿岛鹿角，表现完全无走样嘅广岛三箭喺季初已经实实在在咁表达出自己嘅争冠态度。
有人开心就自然有人唔开心，上季仲处于争冠集团嘅鹿岛鹿角却彷佛迷失咗应有嘅方向，两连败之后佢哋继续担任副班长，虽然话赛季仍然好漫长，但睇唔到希望先系最可怕。呢支传统劲旅是否可以痛定思痛，不妨继续一齐观望。
啱过去嘅呢轮赛事其实都有一个彩蛋，大阪飞脚老将远藤保仁本轮正选登场，佢嘅日职出场数已经达到632场，在日职历史长河中排名首位。