鹿岛鹿角复赛后状态依旧全无。 要论日职联复赛至今最唔好受嘅球迷，相信鹿岛鹿角嘅粉丝认第二都无人敢认第一。
喺寻日挥军不敌浦和红钻之后，鹿岛鹿角在复赛后嘅3轮联赛中全数败北，如果计埋2月份时进行嘅联赛首轮赛事，佢哋头4轮联赛都以输波告终之余，1比8嘅得失球比更加算得上系令人触目惊心。
对于已经习惯每季都为冠军而战嘅鹿岛鹿角粉丝嚟讲，开季四连败显然嚟得措手不及。纵使赛季只系啱啱开始，但咁嘅状态落去，如何保组或会变成球队今季最为现实嘅目标。
至于今年年初先接过球队教鞭嘅巴西教头萨高(Antonio Carlos Zago)，如果未能尽快带领球队重返正轨，咁佢嘅日本执教之旅或将好快见到尽头。