美斯对于球队发展已经彻底失望。 喺甜甜蜜蜜嘅七夕过后，相信所有巴塞球迷今日都彷如被一盘冷水所泼醒，皆因球队图腾美斯正式表态希望离队。
喺2比8遭遇拜仁羞辱之后，巴塞重建嘅暴风雨已经悄然而至，但无人估到就连佢哋嘅象征人物美斯都第一次出现心灰意冷。
巴塞溃败总要搵人承担责任，主席巴图美奥未有选择辞职就证明佢已经将把刀伸向球队内部。其中朗奴高文嘅上任犹如系任务在身嘅侩子手，佢啱啱到嚟就强硬宣布咗近年为球队立下唔少汗马功劳嘅前锋苏亚雷斯无得留低，对于同呢位乌拉圭球星老友鬼鬼嘅美斯自然心中不满。更加火上加油嘅系，朗奴高文日前甚至直接对美斯表示巴塞队内特权阶层已经终结，呢点对于这位阿根廷巨星嚟讲毫无疑问系离队催化剂。
有外界观点认为，美斯今次公开表态想走其实更多只系一种同球队嘅谈判技巧，但对于已经习惯巴塞10号波衫印住MESSI嘅粉丝嚟讲，如此赤裸裸嘅表达实属首次，亦好难唔令人担心巴图美奥最终会做出令球队抱憾嘅决定。
C.朗拿度喺两年前嘅离开一度令西甲绝代双骄折损一员，但球迷当时都仲庆幸紧还有美斯；如今两年过去了，西甲甚至可能连美斯都要失去了。
2000年12月，巴塞时任技术总监列沙治用「餐巾纸合同」签下美斯，2020年8月，美斯通过传真告知离队决定。20年嘅相互陪伴成长，或者就当系最美妙嘅回忆吧。