川崎独唱「无敌是最寂寞」

川崎前锋简直无可阻挡。 正所谓「无敌是最寂寞，最是痛苦。」如今呢种「痛苦」嘅滋味，川崎前锋粉丝真系每一轮联赛过后都可以品尝得到。

凭藉小林悠喺上半场18分钟嘅一箭定江山，川崎前锋喺啱啱过去嘅呢轮联赛中有惊无险斩下湘南比马，豪取七连胜。

虽然紧随其后嘅大阪樱花本轮成功止颓，但喺再取一胜之后，一哥川崎前锋于积分榜嘅领先优势仍有11分。

本周六，川崎前锋将会直面大阪樱花嘅挑战，一旦前者延续胜绩，今季日职联争冠将堪比提前大结局。